燒洒一族 (啟田商場) (已結業)

極高性價比反傳統特色燒味鋪～～～之前上網睇咗西dorsi介紹 見到呢間特色非傳統燒味鋪嘅燒味同酒醉料理望落好似好正 而且屋企附近就有一間 所以就趁晏晝過嚟買咗佢地嘅招牌燒豬手飯做午餐 再順便買埋黑糖沖繩叉燒同酒醉薰蹄比屋企今晚加餸～～～🐷招牌燒豬手飯：呢個飯先唔好講味道個價錢真心非常令人驚訝 竟然只需要30蚊 學生仲可以減多兩蚊 可惜我唔係 通常係西餐廳食燒豬手 都要過百蚊一碟 所以呢個價錢真心令我懷疑其實佢地有冇錢賺😨 講完價錢就講返味道 呢個招牌燒豬手 燒得外脆內軟 肉質粉嫩彈牙 食落啖啖肉 質素完全唔輸貴價德國餐廳 加多$5雞就可以食埋佢哋嘅酒醉溏心蛋🥚 質素一樣很不錯 整體真係極度抵食 尤其是係平時中環返開工 真係好耐都冇見呢啲良心價～～～🐷酒醉薰蹄：呢個買返屋企加送嘅薰蹄 一樣冇令我失望薰蹄同酒醉汁係分開pack 食嘅時候先倒啲汁落去 薰蹄肥瘦適中 擺喺屋企雪櫃雪到凍冰冰之後攞出嚟食 味道非常好 屋企人讚口不絕～～～🐷黑糖沖繩叉燒：我都想搵啲地方可以彈下佢 但係又真係 喺雞蛋裡都挑唔到骨頭 無論係個豬手飯 酒醉薰蹄 同呢個沖繩叉燒 全部都性價比極高 好味得來完全唔貴 呢個叉燒