宮崎肉本舖 (已結業)

第一次食到咁豪華既燒肉,完全顛覆左我對放題質素一般唔會高嘅概念, 首先呢度嘅放題係每個餐都有和牛，而且除咗和牛之外，仲會有好多唔同嘅小食同埋海鮮可以選擇❤️❤️餐廳係位於銅鑼灣，同維園只係一街之隔喺地鐵站行上嚟都唔使10分鐘，我哋食飽仲落咗維園行咗一陣花市，一入到黎已經見到大落地玻璃可以望到對面既維園，有野食有景睇❤️同埋呢度有唔少卡位，兩個人食都有卡位坐，可以靜靜地傾下計😍我哋今日叫咗最貴嗰個餐，一開始嗰個拼盤已經有西冷，肩里肌，牛腿肉，個拼盤除咗比較油脂重嘅和牛之外都有唔少牛味比較重嘅瘦肉，例如肩里肌，令到大家唔會一開始食個拼盤就食到飽晒，我覺得係呢方面餐廳都幾細心😁😁😁呢度上完個拼盤之外，仲有牛西冷同埋壽喜燒和牛，牛脂感十分重食多可能會有啲膩，但呢幾啖爆發出嚟嘅和牛油香真係令人回味無窮😘除咗和牛之外，我哋仲叫咗好多唔同部位嘅雞肉，例如雞頸肉，相比起牛肉呢度嘅雞都做得好唔錯，絕對值得一試除咗燒肉之外仲有唔同嘅熟食，例如甲羅燒，雞肉串燒，和牛米餅，海膽泡飯❤️每款都好好食❤️❤️我覺得一次絕對食唔晒咁多款嘢食，所以我諗好快又會嚟第二次😂