WM Café & Bar (海之戀商場)

营业中

休息中

同朋友慶生日第一次嚟，食物超難食， 龍蝦湯係用粉開又唔熱，冇材料。炸豪,炸洋蔥圈都勁厚炸漿粉。 美式豬肋骨全份售$288再加一，豬肋骨雪藏得好緊要唔新鮮， 食柴乾 ，醬汁似漿糊。軟殼蟹pizza 冇料，餅底硬，軟殼蟹又係勁厚炸漿粉。 芒果莎莎魚柳漢堡包... 個炸魚柳炸到好乾身， 麵包好普通， 但$138再加一,唔值。 店員推介金寶蘋果雪糕甜品加祝賀字，設計奇怪， 用螢光藍色寫字， 完全唔靚 ，雪糕勁甜。 全晚所有食品都係凍嘅， 完全中哂伏， 非常大失所望。 唯一係環境ok影相靚， 店員服務都ok親切， 但食物質素確實強差人意，求其一間茶餐廳冰室都好食過呢度多多聲！如果呢個收費，完全唔值，真係太差，唔想再有人中伏，所以寫此食評！希望幫到大家。