Artisan Room (已結業)

自港島線延申後，西環呢個舊區引入唔少美食，交通便利吸引好多區外人一有時間就過黎搵食。文青cafe、小店、台灣菜等，但同時亦聽過好多小店因為承受唔住營運壓力而結業，有點可惜。座落港鐵大學站嘅Artisan Room最近推出新嘅甜品，我地襯週日放假過海一試，順道食埋幾間mark低一段時間嘅食店餐廳位置唔算難搵，位置闊落高樓底，仲有露天位置，地下一張吧枱，二樓有數張方枱及展覽各式藝術品，環境寫意餐牌供應蛋糕、泡芙、撻、曲奇、貝果、沙律等輕食，飲品方面以咖啡、Løv有機茶為主。巴瓦洛圈 $38呢款bavarois ring甜品有兩種口味：芒果配西柚、士多啤梨之前睇過相，實物比想像中細，而作為相機食先一流嘅甜品，定價又比想像中親民點38蚊件好難令人唔試哂兩款，策略正確。面頭係以法國食用花、水果啫喱，中間奶凍，最底係薄薄一層奶油蛋糕。強調低糖，所以兩款食落都唔甜。士多啤梨味啫喱已經較為突出，起碼一食就知芒果西柚其實好清淡。啫喱中嘅食用花靚到無倫，本身係冇味，但除左裝飾，都令口感豐富啲奶凍滑身，蛋糕底較薄，輕盈不膩。雖然正常黎講係同一款蛋糕，但以士多啤梨嗰款較滑。冰滴咖啡 $65 - 巴拿馬萃取冰滴