金鶴拉麵 (荷李活道) (已結業)

金鶴拉麵主打雞白湯拉麵，早幾日約朋友黎呢度食lunch，原來最近仲有隻極濃版本添！史上極濃雞白湯拉麵（$138）呢個簡直係雞白湯拉麵嘅加強版，極濃厚嘅雞湯，打成泡沫，入口好creamy，面層仲起膠添！配料依舊豐富，有炸牛蒡、半隻糖心蛋、叉燒及慢煮雞肉。另外一款拉麵係右邊嘅黑蒜醬油拉麵（$98），口味偏重，配料同雞白湯拉麵大同小異，個人比較喜歡雞白湯。午市時間，可以加$28有小食一客，有9款咁多，最後揀左唐揚炸赤雞及煎日式餃子。炸雞炸得黃金色，雞皮好脆，咬落多汁。煎餃子就穩打穩紮，可以一試。論環境同服務，呢度可以媲美高級日式料理店。