影片
更多
2020-01-15
18 浏览
講到食泰國菜好多人都會第一時間諗起九龍城因為餐廳選擇多 而且價格親民今日我地一行四個人就簡左其中一間食晚飯一入去坐低店員就好親切咁帶我地入坐而餐牌選擇都相當豐富我地總共簡左5個餸 <第一個 馬拉盞炒通菜>我諗食開泰國菜嘅你對馬拉盞一定唔陌生 而馬拉盞炒通菜基本上係我每次食泰菜都一定會點嘅其中一個餸 因為通菜嘅結構令更多嘅馬拉盞香味鎖住係入邊 今次食嘅呢個通菜既香且濃 上枱果時仲熱到岀煙 可見都係岩岩炒起 而調味亦恰到好處 唔會太鹹<第二個 黃咖喱咖喱雞>餐廳對咖喱真係落左好多心機 佢地有黃紅綠三色咖喱可以選擇 今次我地就簡左黃咖喱 就咁睇就可以睇到佢嘅濃稠程度 而且香料同椰汁嘅比例正好 試左一啖 我就急不及待叫左碗白飯 個咖哩無論係配薄餅同白飯都係一絕<第三個 冬蔭公湯(小)>或多或人都有人係因為冬蔭公湯先喜歡上泰國菜 佢地個冬陰功真係落足誠意 酸酸辣辣十分開胃而且你可以見到啲料仲多過啲湯 湯入面嘅大蝦吸哂湯汁精華 就連肉中心都有滿滿嘅湯汁<第四個 菠蘿炒飯>菠蘿炒飯真係無咩好講 菠蘿果肉新鮮汁多 即使炒完都無變乾身 而炒
因為餐廳選擇多 而且價格親民
今日我地一行四個人就簡左其中一間食晚飯
一入去坐低店員就好親切咁帶我地入坐
而餐牌選擇都相當豐富
我地總共簡左5個餸
<第一個 馬拉盞炒通菜>
我諗食開泰國菜嘅你對馬拉盞一定唔陌生 而馬拉盞炒通菜基本上係我每次食泰菜都一定會點嘅其中一個餸 因為通菜嘅結構令更多嘅馬拉盞香味鎖住係入邊 今次食嘅呢個通菜既香且濃 上枱果時仲熱到岀煙 可見都係岩岩炒起 而調味亦恰到好處 唔會太鹹
<第二個 黃咖喱咖喱雞>
餐廳對咖喱真係落左好多心機 佢地有黃紅綠三色咖喱可以選擇 今次我地就簡左黃咖喱 就咁睇就可以睇到佢嘅濃稠程度 而且香料同椰汁嘅比例正好 試左一啖 我就急不及待叫左碗白飯 個咖哩無論係配薄餅同白飯都係一絕
<第三個 冬蔭公湯(小)>
或多或人都有人係因為冬蔭公湯先喜歡上泰國菜
佢地個冬陰功真係落足誠意 酸酸辣辣十分開胃
而且你可以見到啲料仲多過啲湯 湯入面嘅大蝦吸哂湯汁精華 就連肉中心都有滿滿嘅湯汁
<第四個 菠蘿炒飯>
菠蘿炒飯真係無咩好講 菠蘿果肉新鮮汁多 即使炒完都無變乾身 而炒飯粒粒分明 可見火候控制岩岩好 而店家亦相當大方 食到最後一啖都仲係滿滿嘅肉鬆
<第四個 甜酸炸鯽魚>
呢個菜開胃嘅程度可以比得上冬蔭公 酸酸甜甜 魚身起肉切片炸 完全唔需要擔心魚骨嘅問題 啖啖肉
100分嘅美食
~~~~~~~~~~~~~~~~~~~~~~~~~~~~~~
食泰菜嚟九龍城 泰象館唔會令你失望 等我下次去九龍城試埋其他嘅泰國菜館先
张贴
