新泰東南亞餐廳 (馬鞍山廣場)

营业中

休息中

下午茶時段去，係門口無職員，想攞位都攞唔到飛。等左十幾分鐘嗌到飛，入去坐低嗌完野食，講麻煩要兩杯水，好聲好氣咁前後問左3次，每個侍應都唔出聲又唔應機，最後個位仲大大聲咁惡返話：唔夠人，跟住又走開，之後再問另一個即係成第4次先有。叫左個海鮮焗飯，我地都知係需要耐少少，但其他野食到齊晒，都無黎焗飯，等左一個鐘後問佢落單未，侍應又係聲都唔應句，我地唯有行過去廚房問先話落左落左焗緊。未試過食到咁嬲，唔好意思一句都無聽到，十問九唔應就行開，未食已經飽到成肚氣。等到焗飯黎到，太焗氣，直接叫佢外賣走。