許留山 (已結業)

許留山係由細食到大既甜品店，但質素係愈來愈差！近呢兩三年已經好少去食，因為覺得愈來愈唔好味，份量又小左。前幾日突然好想食，就入左去。兩個人叫左兩碗芒果甜品，一個咖喱雜錦。個咖喱雜錦一來到係凍既，於是就叫佢叮熱d，可惜叮完都只係暖 咖哩味好淡，份量又小，唔會再叫。我同友人個芒果西米露同多芒小丸子完全係得甜字，成碗都係糖漿，芒果味欠奉，每況愈下，完全係難食！睇見碗野都見到好稀，有好多透明既水，相信係糖水。最後兩碗都食到一半就食唔落去，希望佢地品質會改進，否則只會被淘汰。