影片
更多
2020-07-24
45 浏览
今日行完K11，朋友知我係三文治控，就帶我黎呢度食LUNCH!我地每人叫左一個SET，包飲品同小食，小食都有好多選擇，但鍾意香口既我地就梗係揀薯條!另外一客就叫沙律平衡下D卡路里~XD歐陸監獄鐵板三文治材料有芝士通心粉、肉丸、薯餅、生菜、流心蛋同芝士，初頭以為會好重芝士味，但可能肉丸個味好濃，所以食既時候好似肉丸通粉crossover三文治咁，感覺好得意!因為有粒粒通心粉，所以個口感好得意，鍾意食pasta既朋友必點呢個。 大隻水手鐵板三文治材料有炸雞塊、菠菜苗、醃青瓜、紫椰菜絲、流心蛋、黑蒜醬同bbq sauce。我估係因為有雞有蛋又有菠菜而命名!可能因為醃青瓜既關係，食落口比歐陸監獄鐵板三文治多一份清新，紫椰菜絲爽口又新鮮，最出式係個醬汁，加埋配料夾埋係個三文治度味道超豐富!慢調斯理食肉獸鐵板三文治材料有手撕牛仔排、流心蛋、蕃茄片、生菜、芝士、芥末籽蛋黃醬。呢個個名我一路打一路覺得好搞笑，改名出色之餘，味道亦不遜色! 手撕牛仔排牛味濃而唔會韌，又易食又好味，芥末籽蛋黃醬唔會好似wasabi咁供鼻但又同牛肉非常之夾!平時食牛扒都鍾意落芥末籽蛋黃醬，估唔到加落三文治度都咁正!3日3夜自
歐陸監獄鐵板三文治
材料有芝士通心粉、肉丸、薯餅、生菜、流心蛋同芝士，初頭以為會好重芝士味，但可能肉丸個味好濃，所以食既時候好似肉丸通粉crossover三文治咁，感覺好得意!因為有粒粒通心粉，所以個口感好得意，鍾意食pasta既朋友必點呢個。
大隻水手鐵板三文治
材料有炸雞塊、菠菜苗、醃青瓜、紫椰菜絲、流心蛋、黑蒜醬同bbq sauce。我估係因為有雞有蛋又有菠菜而命名!可能因為醃青瓜既關係，食落口比歐陸監獄鐵板三文治多一份清新，紫椰菜絲爽口又新鮮，最出式係個醬汁，加埋配料夾埋係個三文治度味道超豐富!
慢調斯理食肉獸鐵板三文治
材料有手撕牛仔排、流心蛋、蕃茄片、生菜、芝士、芥末籽蛋黃醬。呢個個名我一路打一路覺得好搞笑，改名出色之餘，味道亦不遜色! 手撕牛仔排牛味濃而唔會韌，又易食又好味，芥末籽蛋黃醬唔會好似wasabi咁供鼻但又同牛肉非常之夾!平時食牛扒都鍾意落芥末籽蛋黃醬，估唔到加落三文治度都咁正!
3日3夜自家手切薯條
粗身既薯條，連皮一齊炸，外脆內軟既口感令人無法抗拒!薯條可以揀醬汁，我就揀左黑蒜醬，食落咸咸地好濃黑蒜味，非常特別!食到停唔到口!
HAND3AG凱撒沙律
清新之選!一盒pack好俾你，上面有沙律菜同芝士脆片，如果嫌主食會膩，叫呢個沙律就一定岩哂!
飲品方面可以揀汽水、coffee or tea!我地揀左一個可樂、一杯Americano同蜜桃薑茶。可樂就唔多講，要特別講下呢度既Americano，店員話有nutty同fruity兩款揀，今次我就揀左fruity，飲落真係有果香而咖啡又唔會太苦太澀，聞落有陣陣咖啡香，非常吸引!而蜜桃薑茶就只有熱飲，本身以為會幾甜，點知原來係用茶包沖泡，所以有蜜桃味之餘又有茶味，唔會好似平時飲蜜桃飲品咁溝糖水搞到好甜。
最初諗住食light d食下三文治，點知食三文治都可以食到咁飽，不過食得又好味又滿足!
张贴
