蓮香棧 (已結業)

今天和家人到蓮香棧吃中午，此酒樓採用自己找位的方式，說實非常落後，遲來可能有位先，前來可能等餐死。好啦到左就照搵位，見枱枱都好似坐底無耐咁，去到一張大枱，見到佢放左個留座牌，但我地照問職員可唔可以等架呢張，個職員就話可以不過你地4個人，呢張大枱就要搭枱喎，咁無問題。都等左前後20mins，大枱既人走啦，咁我唸住坐，之後其他職員竟然話留左枱喎，你唔見有留座牌咩，我話我問左先等喎，佢地一個二個話我無講過，完全唔理，照執枱，照叫人唸住o黎坐，仲要有一個男既，話我地唔駛做生意咩，意思我阻住，我咪叫佢地叫經理來傾囉，但完全無人理你架。我堅持唔走，後來我家人搵到第二個位，勸開我先行開，但所有職員無人認講張大枱過可以等，無人理你，無經理出來，完全係不可理喻。因有小朋友就照食，說實食物普通，無咩特別，但就有特別差的服務態度，只能說，等下一手酒家再試吧，相信日子不遠!