泉章居 (已結業)

早前帶同家人到此吃客家菜，第一次光顧，滿有期待，但換來的是極度失望！到達時間尚早，我們坐樓下，只得一名女侍應，無招呼仲十問九唔應，唔嗌佢都唔拎餐牌嚟，咁既服務已經扣晒分，第一個印象非常麻麻。叫了套餐，有4個小菜+例湯，另外再多叫了一個菜：例湯是合掌瓜湯，出乎意料之外好飲，夠清甜。金牌鹽焗雞，入味但唔嫩滑，肉質有d鞋。招牌的名菜 - 梅菜扣肉，我勁鍾意梅菜扣肉，見呢度咁多人讚，充滿期望，但令人大失所望！只得一層肥糕，全是瘦肉，好韌！汁少，幾個人食唔夠撈飯，作為客家名菜，完全唔入流！紅燒釀豆腐，只得五毫子咁大舊肉，豆卜皮勁硬！根本係普通釀豆卜，紅咩燒啫﹖！蒜香蜜汁骨，骨多肉少，蒜蓉燶左，帶有苦澀味。炒豆苗翠嫩，不過不失。