影片
更多
2023-01-30
252 浏览
自疫情後再加上生完bb，都冇乜機會約朋友出去食飯。今日約咗個外國返嚟探親嘅朋友下午茶聚舊，開心到暈啦。咁啱大家都係住康城，一行人有大人有小朋友，我自己又推埋bb車出去，第一時間諗嚟The Point Kitchen, 貪佢冇乜客，地方夠大，唔會阻住人，而且都係諗住食完就走，唔會stay到人哋晚市。我推住bb車行到門口，見有個staff食緊嘢，另一個就企到盡頭角落，似乎係做緊嘢。我一如以往都係禮貌地同呢個做緊嘢嘅女staff講我哋入座人數。唔知係咪對方戴住口罩，再加上我耳仔又唔係咁靈啦。聽唔倒佢講乜？！總之佢再示意叫我坐某張枱，咁我咪行前多一步，想行埋去囉。跟住呢位女staff就用d好差嘅態度同我講：「妳等陣，我都要set好張枱俾妳㗎！」我當堂odd咗！😨然後有個男staff走埋嚟幫手set枱，態度好好多，又問要唔要兒童餐具？又問要唔要bb櫈？👍🏼佢哋俾我哋坐張3張二人枱組成嘅枱俾我哋坐。而張baby booster就放咗响3張有背餐椅嘅中間，咁我就將架bb車放咗响盡頭，我就坐响bb車旁邊嘅有背餐椅，我bb坐booster. 個女staff就叫我將架bb車擺响另一邊嘅盡頭，佢話我原本放嗰
我推住bb車行到門口，見有個staff食緊嘢，另一個就企到盡頭角落，似乎係做緊嘢。我一如以往都係禮貌地同呢個做緊嘢嘅女staff講我哋入座人數。唔知係咪對方戴住口罩，再加上我耳仔又唔係咁靈啦。聽唔倒佢講乜？！總之佢再示意叫我坐某張枱，咁我咪行前多一步，想行埋去囉。跟住呢位女staff就用d好差嘅態度同我講：「妳等陣，我都要set好張枱俾妳㗎！」我當堂odd咗！😨
然後有個男staff走埋嚟幫手set枱，態度好好多，又問要唔要兒童餐具？又問要唔要bb櫈？👍🏼佢哋俾我哋坐張3張二人枱組成嘅枱俾我哋坐。而張baby booster就放咗响3張有背餐椅嘅中間，咁我就將架bb車放咗响盡頭，我就坐响bb車旁邊嘅有背餐椅，我bb坐booster. 個女staff就叫我將架bb車擺响另一邊嘅盡頭，佢話我原本放嗰個位置係行人通道。我就話：「妳依家好多客咩？」佢話：「呢度係通道，我驚撞倒妳架bb車。」我就話：「我食完就會走，唔會响度瀨咕喎。」佢都仲要繼續叫我將架bb車放响另一邊嘅盡頭。我冇理佢。
1. 另一邊盡頭係隔離枱同我哋張枱嘅一個罅位。係夠放我架車，不過我坐低食嘢時，又要從架bb車度攞bb用品，都相當麻煩吓。2.我d朋友都坐低哂，唔好煩啦。 3.重點！！！當時都係5點鐘，係0個客。我死唔信我咁好腳頭，一坐低冇幾耐就幫你哋餐廳帶倒客嚟坐爆場。若然係咁，我係非常樂意將架bb車塞响呢個女staff要求嘅位置。
佢最令我發火嘅係，佢响我哋坐好哂嘅時候，响我嘅右手邊靠牆位置嘅枱度，砰砰澎澎。低能嘅都知佢發緊我脾氣啦，下話？我就真係忍唔住要評佢理。佢都仲係要同我講，話我好擺架車仔响通道，驚衝親我個bb。真心廢話囉。佢講個通道，足足可以打橫最少放倒兩架半bb車，咁都可以衝埋嚟，除非個人係飲醉酒，再唔係個人係痙攣，如果唔係，咁大架bb車係冇可能會撞得埋嚟囉。
食物質素，我今次係第二次嚟食。第一次已經覺得佢差。第二次仲要俾我遇著呢個女staff對我咁差嘅態度同語氣，我真係好唔開心同埋有感佢歧視兼唔尊重我哋呢d推車仔去嘅客人囉。 我以後唔會再去呢間The Point Kitchen格喇。我同我老公講番呢件事，我真係好唔開心，本來一個聚舊，會攪到咁唔開心。佢就打去餐廳了解件事，得悉呢個女staff原來姓楊，係經理嚟。我真係估唔到一個身為經理嘅人，仲要係女人，會咁嚟serve客。一架bb車，原來會咁阻地方，佢真係令我大開眼界。👍🏼👏🏼
张贴