影片
更多
2016-12-16
11831 浏览
同轉角嘅大喜屋一樣，每逢嗰個時候樓下就會出現長長嘅人龍， 一個二個為食豬乖乖喺度排隊。每一檯嘅客人都以迅雷不及掩耳嘅速度落 order，務求極速將胃部灌滿。溫泉蛋嘅烹調時間掌握得啱啱好，滑滑捋捋，入面個靚蛋黃充滿蛋香，加少少日本豉油就已經夠哂好味。蟹肉胡麻豆腐，唔知係咪用左日本豆腐嘅關係，豆腐嘅豆腐味勁濃，加上上面嘅蟹肉極其新鮮，無話因為係配菜就俾啲下欄貨你，食材新鮮，簡簡單單配個麻醬就已經好 ok 。刺身全部都好新鮮，又夠哂凍，以前食過其他放題有啲刺身係室溫嘅，真係好恐怖。特別鍾意三文魚，鱆紅魚同天使蝦，天使蝦嘅蝦頭勁多蝦膏，正嘢嚟㗎。牛舌燒得好香，油脂豐富，只係輕輕灑少少黑椒同埋鹽都經已夠哂惹味。極品五香煮和牛筋腩，向來都鐘意食牛筋腩，見佢呢個喺餐牌仲要係皇牌推介梗係即嗌啦，果然無令到我失望，牛筋炆得夠哂諗，絕對係無牙婆都食得嗰隻，牛腩咁啱係半肥瘦位，嗰一半油脂喺口入面爆發出黎嘅感覺，再加上香濃嘅五香柱候醬汁，真係想扒啖飯啊，我選呢個係全晚最美味嘅熱食。天婦羅蝦，好食到影唔切相，炸漿好鬆脆，上枱嘅時候都仲係辣口架，隻冬菇就夠哂厚肉，同樣都係熱辣辣，食天婦羅最緊要係夠熱同埋個炸漿唔會
同轉角嘅大喜屋一樣，每逢嗰個時候樓下就會出現長長嘅人龍， 一個二個為食豬乖乖喺度排隊。
每一檯嘅客人都以迅雷不及掩耳嘅速度落 order，務求極速將胃部灌滿。
溫泉蛋嘅烹調時間掌握得啱啱好，滑滑捋捋，入面個靚蛋黃充滿蛋香，加少少日本豉油就已經夠哂好味。
蟹肉胡麻豆腐，唔知係咪用左日本豆腐嘅關係，豆腐嘅豆腐味勁濃，加上上面嘅蟹肉極其新鮮，無話因為係配菜就俾啲下欄貨你，食材新鮮，簡簡單單配個麻醬就已經好 ok 。
刺身全部都好新鮮，又夠哂凍，以前食過其他放題有啲刺身係室溫嘅，真係好恐怖。特別鍾意三文魚，鱆紅魚同天使蝦，天使蝦嘅蝦頭勁多蝦膏，正嘢嚟㗎。
牛舌燒得好香，油脂豐富，只係輕輕灑少少黑椒同埋鹽都經已夠哂惹味。
極品五香煮和牛筋腩，向來都鐘意食牛筋腩，見佢呢個喺餐牌仲要係皇牌推介梗係即嗌啦，果然無令到我失望，牛筋炆得夠哂諗，絕對係無牙婆都食得嗰隻，牛腩咁啱係半肥瘦位，嗰一半油脂喺口入面爆發出黎嘅感覺，再加上香濃嘅五香柱候醬汁，真係想扒啖飯啊，我選呢個係全晚最美味嘅熱食。
天婦羅蝦，好食到影唔切相，炸漿好鬆脆，上枱嘅時候都仲係辣口架，隻冬菇就夠哂厚肉，同樣都係熱辣辣，食天婦羅最緊要係夠熱同埋個炸漿唔會硬掘掘，呢間餐廳完全做得到。
嚟到甜品位估唔到重大有驚喜，依家放題嘅質素真係完全高過以前中環吉壽嗰個年代幾皮，每樣甜品都交足功課，有某啲仲好 out standing 添，例如朱古力心太軟，佢做到好似馬卡龍咁嘅大細，咁作為一個放題嘅尾聲都唔怕會食唔落啦，雖然心太軟個口感唔係咁夠軟滑，但係嗰個朱古力味超濃，淨係嘆個朱古力味都夠哂正啦。
3.6 牛奶布丁，有好香濃嘅奶味，果然係3.6，奶味濃得嚟又唔會話好甜，口感又夠哂滑溜，溫度夠哂凍，啱啱好。
法式燉蛋，蛋味濃郁，面頭嘅焦糖燒得焦脆，切碎一細塊連埋個燉蛋嚟食就係最高嘅境界啦。
由於極尚嘅甜品全部都做得好好食，呢啲一人限住得一杯嘅嗰啲所謂名牌雪糕完全給比下去，都未食哂啲雪糕就再嗌多轉甜品 lu 。
张贴
