大井町日式放題 (已結業)

呢間我見有咁多人俾好評，所以尋晚選擇左食呢間放題。一入到去，見到咁多人食，實無死啦，以為搵到間好食既放題，咁我就9點30分入座，即刻落刺身先，因為一間好既放題，係睇啲刺身最清楚好定唔好。結果係失望既，叫既數量同黎既數量唔同，係欠左好多野食，已經第一印象唔好啦，同埋啲刺身係無味咖。啲野食係黎得快，但全部都係唔足量既。食到最後，可能就到職員放工，佢地係咁執野，隔2分鐘行過黎問仲要唔要，個感覺係趕你走咁。食咁多間放題，呢間雖然唔係最差，但如果10分滿分，我頂盡只會俾3分，因為質素真係麻麻。