影片
更多
2017-04-23
522 浏览
一星期食2次放題, 真係好罪惡呀。無計喇, 朋友下星期生日, 大家夾到呢日去食, 壽星想食放題, 無奶油唔捨命陪君子。上網睇左幾間都唔錯, 最後揀左位於銅鑼灣嘅極尚大瀛喜!! 之前聽其他朋友介紹過話食物質素唔錯ga, 決定扑槌試下!!!一早book左位, 早少少上到去, 已經有人排緊隊等入座, 夠鐘就入去, 好方便講booking no.就得la。個場都幾大, 多數都係卡位, 4人坐卡位完全唔會覺得逼, 仲有位可以放袋tim。枱面已有一兜包裝wasabi同一樽豉油, 仲有一件大碟俾你裝殼之類, 都幾細心。落單都係採用寫紙仔, 成本字典甘厚, 食物款式都多, 而且仲有自助bar。自助bar有唔同沙律俾你自己配搭, 而且仲有中華沙律, 凍豆腐, 炸蝦餅等等俾你自己拎。湯都有2款, 有中式老火湯同日式麵豉湯。朋友試左都話ok ge。仲有2大個甜品櫃俾你自己拎, 款款都細細件, 甘就可以試多啲唔同款, 而且有yogurt 同豆腐花tim。芒果糯米卷同tiramisu都幾好味。糯米皮煙煙靭靭, 芒果甜。雪糕機可以自己唧frozen yogurt或者士多啤梨雪糕, 有焦糖漿同其他配料可以加, 最鍾
一早book左位, 早少少上到去, 已經有人排緊隊等入座, 夠鐘就入去, 好方便講booking no.就得la。個場都幾大, 多數都係卡位, 4人坐卡位完全唔會覺得逼, 仲有位可以放袋tim。
枱面已有一兜包裝wasabi同一樽豉油, 仲有一件大碟俾你裝殼之類, 都幾細心。落單都係採用寫紙仔, 成本字典甘厚, 食物款式都多, 而且仲有自助bar。自助bar有唔同沙律俾你自己配搭, 而且仲有中華沙律, 凍豆腐, 炸蝦餅等等俾你自己拎。湯都有2款, 有中式老火湯同日式麵豉湯。朋友試左都話ok ge。
仲有2大個甜品櫃俾你自己拎, 款款都細細件, 甘就可以試多啲唔同款, 而且有yogurt 同豆腐花tim。芒果糯米卷同tiramisu都幾好味。糯米皮煙煙靭靭, 芒果甜。
雪糕機可以自己唧frozen yogurt或者士多啤梨雪糕, 有焦糖漿同其他配料可以加, 最鍾意加爆珠。雪糕機隔離仲有個熱飲櫃, 真係好窩心呀。
凍飲櫃都選擇多多, 有韓國桃啤, 好好飲, 桃味濃, 而且酒精濃度低, 飲2罐都唔怕。除左桃啤, 仲有普通啤酒, 茶同果酒等等, 真係花多眼亂呀!!!
凍飲櫃對面係雪糕櫃, 雖然係雀巢雪糕呢d大路嘢, 但都多唔同口味俾你揀。
刺身都係有好多選擇, 上枱時好有仙境feel, 出極煙呢。刺身好新鮮, 甜蝦大隻而且味道濃郁, 北寄貝唔會靭, 帶子都有鮮味, 三文魚同油甘魚肥美同厚切, 珍寶大蝦刺身好爽彈同鮮甜, 八爪魚同仿鮑片最令人喜出望外, 八爪魚鮮有地唔靭, 而且薄切, 另外仿鮑片就大大片同彈呀。
放題必食嘅海膽手卷, 細細卷, 好迷你, 海膽都鮮甜味美, 忍唔住encore左一件!!!
串燒必推鹽燒牛舌, 薄切而且爽脆。 穴子壽司冇骨, 肉嫩, 少有甘有條。鵝肝帶子壽司都好好味, 鵝肝味道豐腴, 同帶子一齊食, 增加左一份油潤ge味道!!!
一口芝士外脆內軟, 應該用上cream cheese, 好正同邪惡呢, 芝士愛好者必食。芝麻雞翼皮脆肉嫩滑, 有肉汁, 味道啱啱好。
黃金燒帆立貝極級邪惡, 火灸表面d濃郁醬汁, 如果鍾意沙律醬嘅朋友, 呢款係佢嘅大愛呀!!!蟹粥都好好味同足料, 粥底綿多瑤柱絲, 蟹肉有鮮甜味, 可以暖一暖胃呢。
侍應服務幾好, 有禮貌, 而且好快就幫手執碟, 上菜速度都幾快, 好少漏單情況出現。真心推介, 仲想再黎食一次。
张贴
