影片
更多
2016-04-24
2969 浏览
老實講日式放題到今時今日開到成行成市，非常普及，要搵間有所突破既的確有難度。友人今次帶我去銅鑼灣廣場既一間放題，事前都冇特別期望，但一般聚會都冇咩意見。一如以往坐低後梗係拎野飲。呢度既飲品款式真係令我眼前一亮，忌廉溝鮮奶，烏龍茶，芒果汁......等等就間間放題都有架啦。但佢竟然有大量紙包飲品，維他既啡走都有，而且好似便利店咁有個熱櫃提供熱飲，值得嘉獎。另外，佢既甜品選擇又有好多，雪糕除左機製既乳酪雪糕，現成既都有好多款，包括有朱奶雪條同埋大腳板。唔想食現成既好似食BUFFET咁拎蛋糕又得。正式點野前拎左2樣熟食，小丸子同炸雞。小丸子夠熱，而且唔係成舊粉漿咁，都幾好食，拍得住出面檔仔既味道。至於炸雞都好脆。呢2樣周圍都食到既小食勝在炸漿份量適中，唔會一團粉咁食唔到墨魚同雞本身既味道，放題任拎任食有呢個質素，睇得出佢對每樣食物都認真處理。由於我地得2個人，所以點既刺身唔多，三文魚夠大件，而且厚度適中。希靈魚就最好食。呢度既炸物真係要一再讚揚。炸廣島蠔同樣好食，炸皮唔太厚又夠脆，好岩我呢d炸物愛好者既胃口。羊鞍冇騷味，但我比較喜歡有少少騷，咁先似食緊羊嘛，但唔鍾意騷味既朋友可以一試。串燒黎
一如以往坐低後梗係拎野飲。呢度既飲品款式真係令我眼前一亮，忌廉溝鮮奶，烏龍茶，芒果汁......等等就間間放題都有架啦。但佢竟然有大量紙包飲品，維他既啡走都有，而且好似便利店咁有個熱櫃提供熱飲，值得嘉獎。
另外，佢既甜品選擇又有好多，雪糕除左機製既乳酪雪糕，現成既都有好多款，包括有朱奶雪條同埋大腳板。唔想食現成既好似食BUFFET咁拎蛋糕又得。
正式點野前拎左2樣熟食，小丸子同炸雞。小丸子夠熱，而且唔係成舊粉漿咁，都幾好食，拍得住出面檔仔既味道。
至於炸雞都好脆。呢2樣周圍都食到既小食勝在炸漿份量適中，唔會一團粉咁食唔到墨魚同雞本身既味道，放題任拎任食有呢個質素，睇得出佢對每樣食物都認真處理。
由於我地得2個人，所以點既刺身唔多，三文魚夠大件，而且厚度適中。希靈魚就最好食。
呢度既炸物真係要一再讚揚。炸廣島蠔同樣好食，炸皮唔太厚又夠脆，好岩我呢d炸物愛好者既胃口。
羊鞍冇騷味，但我比較喜歡有少少騷，咁先似食緊羊嘛，但唔鍾意騷味既朋友可以一試。
串燒黎講最鍾意牛舌同雞軟骨。2樣都整得好香口，最重要係調味唔太鹹，食多幾串都唔覺口渴，非常過癮。
最後仲叫左客蒜片牛柳，又係好香。牛柳肥瘦都有，任君選擇。
總括黎講今次放題用餐經驗滿意，食物選擇多，下次朋友想食放題都會推薦呢間。
张贴
