影片
更多
2018-01-10
347 浏览
紅磡多好嘢食就係人都知， 份量唔太貴，又有風味，偶爾行過黃埔，都會見到呢間舖頭門口排著人龍，門口大大個木招牌，充滿日本風味，今次見人龍唔長，一於去試下。大勝軒主打既係沾面，在場客人十個有八個都係嗌沾麵，點可以唔跟機試下呢。見到餐牌上極力推薦沾麵要叫冷麵，因為一冷一熱咁樣比較有衝擊，而且面亦都會更加掛湯。蔥沾麵所採用嘅蔥係京蔥絲 而且都係蔥白嘅位置 除咗比較香口，亦比較硬身有口感，師傅將蔥切成絲後，有雪過，令蔥絲比較凍， 配埋麵食，好有衝擊。 不過由於用嘅係蔥白，會有少少蔥嘅辣味，鍾意食蔥嘅朋友係非常之啱胃口， 但當然食完會有一陣蔥味長留喺口腔，會有少少口氣，食完飯約咗朋友嘅人要注意lu。而麵身方面，嗌咗偏粗既太麵，比較有粗飽感， 而麵雪過之後， 亦都非常彈牙，一條一條咁樣擺落熱湯入面，可以同時感享受到湯汁既味道，除左索湯之外，建議將蔥、麵、湯一啖咁樣擺入口，可以一次過食曬三種口味，一冷一熱，非常醒神。唯一唔可取嘅地方係麵水多咗少少，令到碗底有啲水，底下嘅麵會比較濕。而湯汁方面係豬骨味噌， 口味偏重，配起沾麵上嚟十分香濃， 同時亦比較稠身，建議食完麵之後可以加少少木魚湯，飲埋個湯底又係
蔥沾麵
13 浏览
0 赞好
0 留言
大勝軒主打既係沾面，在場客人十個有八個都係嗌沾麵，點可以唔跟機試下呢。
見到餐牌上極力推薦沾麵要叫冷麵，因為一冷一熱咁樣比較有衝擊，而且面亦都會更加掛湯。
蔥沾麵所採用嘅蔥係京蔥絲 而且都係蔥白嘅位置 除咗比較香口，亦比較硬身有口感，師傅將蔥切成絲後，有雪過，令蔥絲比較凍， 配埋麵食，好有衝擊。 不過由於用嘅係蔥白，會有少少蔥嘅辣味，鍾意食蔥嘅朋友係非常之啱胃口， 但當然食完會有一陣蔥味長留喺口腔，會有少少口氣，食完飯約咗朋友嘅人要注意lu。
而麵身方面，嗌咗偏粗既太麵，比較有粗飽感， 而麵雪過之後， 亦都非常彈牙，一條一條咁樣擺落熱湯入面，可以同時感享受到湯汁既味道，除左索湯之外，建議將蔥、麵、湯一啖咁樣擺入口，可以一次過食曬三種口味，一冷一熱，非常醒神。
唯一唔可取嘅地方係麵水多咗少少，令到碗底有啲水，底下嘅麵會比較濕。
而湯汁方面係豬骨味噌， 口味偏重，配起沾麵上嚟十分香濃， 同時亦比較稠身，建議食完麵之後可以加少少木魚湯，飲埋個湯底又係另一種滋味。 怕太濃的話，其實可以加少少鰹魚醋，酸味有助減低飽膩感。
而叉燒亦都比較厚肉， 有少少背脂包圍住肉， 肥瘦分明 不過有少少畀 湯底嘅味道掩蓋佢本身嘅味道，舊肉吸曬湯，主要食到湯汁味而唔係肉味。
同埋紫菜擺喺碗麵有啲麵水整到佢濕咗，唔夠脆身，有啲可惜。
张贴
