五代同糖 (已結業)

星期日同個朋友在CWB辣蟹莊吃完飯，見到對面開左一間新嘅糖水鋪！兩個人又唔想咁早返屋企，就膽粗粗去試下囉！入去一坐低，就有個妹妹過來介紹一啲糖水比我地，最後我地叫左個心太軟，榴槤雪花冰試下！個雪花冰一嚟到就聞到一陣好香嘅榴槤味，就即刻試下味！Wow.....真係好好味呀，個感覺好似食緊榴槤咁，停唔到呀！吃到半路，個心太軟就到，我個friend即刻用匙𠝹開中間，d朱古力好似瀑布咁爆出來，超香濃朱古力味！個皮又鬆軟，又乾身！就係咁，兩個人咩都唔講，剩係喺度密密食！下次我一定會試下佢個榴槤奶凍，因為個老闆同我講係佢地個師傅的強項wor!