影片
更多
2019-05-24
78 浏览
今次喺呢間餐廳食lunch真係大滿足 ，而且lunch嚟講食呢啲高質素嘅壽司真係好抵， 我哋叫咗壽司九貫， 而且仲包埋 沙律 ，湯，茶碗蒸同埋一球雪糕 ，食完好飽好滿足。平時我食壽司都係只會揀幾件嚟讚下，但係今次一定要每件都讚，因為件件壽司都係精華，全部都整得好出色。第一件係赤貝壽司。赤貝鮮甜可口顧然重要，但係佢上面加咗啲清檸上去可以話係畫龍點睛， 青檸更加可以帶出佢清新嘅味道，再加埋少少wasabi嘅辣味真係配合得相當之好。我都係第一次試， 佢上面嘅材料有少少鹹鹹哋，未試過可以鹹同清甜嘅味道一齊食，又可以提升到味覺嘅層次感。深海池魚向來都係會加柚子醋 ，但係今次真係不必要 ，完全可以食到深海池魚嘅鮮味，上面加埋少少蔥， 令佢可以更加可口。呢個係金目鯛 ，上面加咗少少蘿蔔喺度， 蘿蔔固然清甜， 同金目鯛有意想不到嘅夾。我向來都好鍾意炙燒，亦都好鍾意銀雪魚，但係就未試過炙燒銀鱈魚，今次真係大驚喜。上面仲加咗啲白松露同埋魚仔醬，又係另一番食法， 白松露味都幾重，但又蓋唔過銀雪魚嘅鮮味，而且銀雪魚好嫩滑，食落去充滿住油香。拖羅向來都係好普通嘅壽司，一般係出面食我都食到有啲腥味， 但係今次食就
平時我食壽司都係只會揀幾件嚟讚下，但係今次一定要每件都讚，因為件件壽司都係精華，全部都整得好出色。
第一件係赤貝壽司。赤貝鮮甜可口顧然重要，但係佢上面加咗啲清檸上去可以話係畫龍點睛， 青檸更加可以帶出佢清新嘅味道，再加埋少少wasabi嘅辣味真係配合得相當之好。
我都係第一次試， 佢上面嘅材料有少少鹹鹹哋，未試過可以鹹同清甜嘅味道一齊食，又可以提升到味覺嘅層次感。
深海池魚向來都係會加柚子醋 ，但係今次真係不必要 ，完全可以食到深海池魚嘅鮮味，上面加埋少少蔥， 令佢可以更加可口。
呢個係金目鯛 ，上面加咗少少蘿蔔喺度， 蘿蔔固然清甜， 同金目鯛有意想不到嘅夾。
我向來都好鍾意炙燒，亦都好鍾意銀雪魚，但係就未試過炙燒銀鱈魚，今次真係大驚喜。上面仲加咗啲白松露同埋魚仔醬，又係另一番食法， 白松露味都幾重，但又蓋唔過銀雪魚嘅鮮味，而且銀雪魚好嫩滑，食落去充滿住油香。
拖羅向來都係好普通嘅壽司，一般係出面食我都食到有啲腥味， 但係今次食就一啲腥味都冇，平時我唔係好鍾意拖囉，今次一食就愛上咗。
赤鯥魚都好特別 ， 佢嘅乳質好嫩滑上面嘅脆口加埋赤鯥魚嘅嫩滑，又可以增添一份口感。
呢個海膽軍艦真係好邪惡， 每個軍艦上面， 有足足半板嘅海膽一，啖食落去真係好有滿足感。 食到好多海膽嘅鮮甜味 ，一啲腥味都冇 ，鍾意食海膽嘅朋友一定要嚟試，未見過可以半板嘅海膽擺上去一嚿壽司度，一啖食曬佢。
呢個係右口邊魚， 平時食左口邊魚就聽得多，右口邊魚就好少。右口邊魚肉質比較嫩滑，而且入口即溶，今次用炙燒嘅方法做壽司，一食落去就溶喺口裏面。
沙律都好清新， 雪糕我試咗海鹽味雪糕 ，佢第一啖食落去嗰陣有少少嘅鹽味，但係慢慢咀嚼嘅時候就多咗一份牛奶嘅味道，好特別，都好好味。
總括嚟講，喺度食壽司真係好高質 ，二百幾蚊已經可以食到咁多款嘅壽司，而且款款都係精華所在，所以好值得嚟試下。
张贴
