VV尾線 (已結業)

上網見到呢間野都幾多好評，咁啱喺附近就諗住試吓啦！嘩，點知除咗一個伏字，冇其他嘢再可以形容！首先碗嘢啲料少得非常之咁可憐，兩塊迷你木耳，兩塊極硬腐皮，好硬嘅米線同幾片好細嘅魚塊！！佢聲稱係用魚熬製嘅湯，成碗嘢係冇味仲要好多味精，真係好意思要索取$60大元！嘩真係，$60唔係問題，但個人認為呢碗嘢嘅$1都唔值！真係連鎖店嘅米線都好過佢多多聲，平又平過佢，抵食又抵食過佢，真係餸都唔會再食呢碗嘢，浪費晒個胃啲空位！