影片
更多
2017-05-11
190 浏览
話說今日我係旺角收左工，咁岩有個老友係附近住，又肚仔餓所以諗住約埋一齊食早餐傾下計，咁我平時朝早8點收工都會去歎返個醒神早餐醒醒佢，但由於附近既餐廳我大部份都食厭左，所以今次試下新野，就同個朋友黎左呢間位於旺角砵蘭街與山東街交街公廁鄰近既茶餐廳叫[ 囍運燒臘餐廳 ]到食野，咁基於呢間野岩岩新開張既時候呢，其實我係食過佢地既燒味飯係唔差既，但價錢相當之貴，賣到70蚊一個飯盒，anyway其實價錢都唔係問題，如果如果係好食既野，我都會支持，無論價錢幾多都好，但唔知係咪因為比上一次既燒味飯影響左我，所以我決定試下個早餐，故事都係宜家正式開始，話說我坐底哎野食等我朋友黎，咁我就點左一個Number103，雞扒腸仔煎旦拼茄汁豆，開頭我係點104既牛扒歐陸，但因為牛扒係跟烟肉既我。轉腸仔得唔得樓面。唔得啊，因為set死左咁我就話ok啦，咁要103雞個個啦，沒耐我就打比個老友問佢食啲咩，叫住先，之後老友同我食一樣，叫我幫佢哎住先，10分鍾落樓，之後我再落多份話轉炒蛋得唔得，今次第二個樓面話可以，我聽完呆左，腸仔沒得轉，雞蛋就有得轉，咁何為set死，沒幾耐，我個份到左先，我一拿起刀割個塊雞扒，好難割，
我。轉腸仔得唔得
樓面。唔得啊，因為set死左
咁我就話ok啦，咁要103雞個個啦，沒耐我就打比個老友問佢食啲咩，叫住先，之後老友同我食一樣，叫我幫佢哎住先，10分鍾落樓，之後我再落多份話轉炒蛋得唔得，今次第二個樓面話可以，我聽完呆左，腸仔沒得轉，雞蛋就有得轉，咁何為set死，沒幾耐，我個份到左先，我一拿起刀割個塊雞扒，好難割，開頭諗係咪啲肉實得際，或者把刀無割齒位比較難呢，點知一拍落口，原來係硬既，仲要睇落好似係恰完再煎再擺出黎hea陣有客要即上個啲，最慘雞扒係凍既，仲要有陣味，條腸食埋都係凍既，多士食落唔脆唔熱，配菜番茄有渣既，為一最好就係隻煎蛋同查多士個塊牛油仲有茄汁豆，雞蛋就真係熱既，牛油都唔係個啲大桶媽之蓮人造，係獨立包裝黎既，呢一餐連埋凍飲係43蚊，好喇，言歸正傳，係我食完之後個老友都到埋，但係佢個份早餐等左25分鍾先黎，而廳面既人客數量都係一般，睇落都唔多，Fine都算，我仲同我個老友開玩笑咁講可能隻雞未擋姐，講完無耐佢個份都黎埋，係佢食野之前我都已經同佢講左呢間啲早餐唔好食，都係轉第二間，不過老友話唔洗啦，試旦食啲，今次好彩地佢食塊扒同我講係熱既，唔知佢呃我定點啦，番茄今次睇落仲新鮮過我個塊仲要厚好多，都算，最緊要係食得開心姐，就係呢個時候我居然發現我朋友個份無左啲汁豆，我舉手叫阿姐，同阿姐笑住講，係咪偷工減料先，沒左啲茄汁豆喎，點知個阿姐居然同我講話，個師傅比左塊番茄你就沒茄汁豆，我火都黎埋即場大聲省左佢一句（乜鬼野啊 ! 塊番茄係配菜黎架嗎! 咁餐牌就唔好寫茄汁豆啦）正常大家係茶餐廳食歐陸都知番茄青瓜都係配菜，加上我食個份係有齊哂，咁就緊加唔可以話番茄當茄汁豆，真係當人傻仔未食過早餐咩，之後經理識做話幫我跟返，點知攞返黎既茄汁豆，份量好似我地乞米乞返黎咁（以上圖片），今次我心平氣和同佢講,都係叫你地經理過黎自己睇啦，咩野意思，雖然我地係，比個少少錢食個早餐唔係大哂，但都唔好咁離普啊!就算我之前去食拉麵，食左少少見湯有小強，我都好客氣細聲講唔該幫我換左佢，因為我知道呢啲有陣時師傅忙起黎睇唔到衛生避免唔到，但今次呢間囍運真係離哂普可以話，而且係我坐呢45分鍾，眼見三枱都不愉快，其中有兩枱，每枱都係一位雇客，因為要趕返工，水吧出品又慢搞到兩位人兄嬲爆爆走左，另外一枱就三個類似做粗重工作既大漢，聽完我批評佢地之後都話，杯野飲叫左幾個字都未黎啦，仲唔爽啲咁樣，食完行出門口仲要肚痛揾廁所，所以呢間咁既囍運認真差，請我都唔黎食，以上講既絕無大話，唔信你地可以試下去囍運用最低既消費試下坐底感受下，你地就明!!!
张贴