影片
更多
2016-01-01
1469 浏览
話說12月22號冬至先嚟Oyster Station用完晚餐，得到了一張$100劵，於是12月27號再到Oyster Station享用晚餐! 上次試過$10生蠔好新鮮，所以今日決定再食，果然係冇令人失望，生蠔的確好新鮮，而且肉厚肥美! 香辣蒜片蜆肉扁意粉，果真味道上都幾辣，蜆肉熟度啱啱好，沒有因烹煮而令蜆汁流失，意粉口感好好，唔會覺得過腍或過硬，的確唔錯。 香烤豬肋骨，肋骨肉厚色濃，而且充滿肉汁，但不宜食過多，因為會好漏。南美海鮮薄餅，味道上都ok,但又冇乜特別，海鮮略嫌乾左啲，薄餅邊焗得過火，燶左！識用大量蔬菜沙律作伴碟，改變觀感。基本呢餐飯都食得幾滿足！於是滿心歡喜去埋單，點知張$100劵用唔到！ 劵上係有註明公眾假期及公眾假期前夕不能使用！但12月27號算係公眾假期嗎？因為呢個問題，已經親自向店員查詢，但店員卻強調27號都''當''係公眾假期！！真係好無奈！如果27號都算公眾假期，咁當27號係星期三、四、五，作為一個打工仔嘅我係咪可以放假唔洗返工，如果返工，老細係咪要補返一日假期俾我？真係好好笑囉！呢個真係不能夠接受，極之取巧嘅做法，極度失望！如果餐廳可
上次試過$10生蠔好新鮮，所以今日決定再食，果然係冇令人失望，生蠔的確好新鮮，而且肉厚肥美!
香辣蒜片蜆肉扁意粉，果真味道上都幾辣，蜆肉熟度啱啱好，沒有因烹煮而令蜆汁流失，意粉口感好好，唔會覺得過腍或過硬，的確唔錯。
香烤豬肋骨，肋骨肉厚色濃，而且充滿肉汁，但不宜食過多，因為會好漏。
南美海鮮薄餅，味道上都ok,但又冇乜特別，海鮮略嫌乾左啲，薄餅邊焗得過火，燶左！識用大量蔬菜沙律作伴碟，改變觀感。
基本呢餐飯都食得幾滿足！於是滿心歡喜去埋單，點知張$100劵用唔到！
劵上係有註明公眾假期及公眾假期前夕不能使用！但12月27號算係公眾假期嗎？因為呢個問題，已經親自向店員查詢，但店員卻強調27號都''當''係公眾假期！！真係好無奈！如果27號都算公眾假期，咁當27號係星期三、四、五，作為一個打工仔嘅我係咪可以放假唔洗返工，如果返工，老細係咪要補返一日假期俾我？真係好好笑囉！呢個真係不能夠接受，極之取巧嘅做法，極度失望！如果餐廳可以自行去判斷係咪公眾假期，咁中意點講都得啦，顧客始終係被動的，所以呢張優惠卷掉左也不會有所謂，反正已經對Oyster Station沒興趣了。好評與劣評只係一線之差，希望唔好以取巧方法去誤導客人，導致損失寶貴的客源。如優惠劵真係唔可以用！就應於多眼處顯示「是日一切vip優惠及優惠劵停用！」
张贴
