影片
更多
2010-07-04
2 浏览
今晚晚餐真係令人太生氣啦﹗生氣得平日只係睇人食評嘅我都不得不趕回家做OPENRICE新會員，寫哩個「滾」熱辣嘅食評。今晚我同我男朋友食左個$218嘅二人餐餐湯︰ 合桃XXX磨菇湯——> 同之前睇人地嘅食評一樣，同某某出名西湯罐頭味道一樣，一啲驚喜都冇， 唔抵﹗﹗﹗﹗如果唔跟SET，另叫就真係好唔抵呀﹗餐前小食︰XX鰻魚一口脆片——>得嗰兩塊之餘，佢所謂嘅「脆片」一啲都唔脆。其實佢唔脆唔緊要，但極唔可以 係淋到爆囉﹗我男朋友先食架，食完之後叫我最好唔好食佢塊脆片，但我又唔信 人地買到明話係脆片而唔食哩個重點加嘛，我咪不聽老人言走去食囉，點知，就 係咁中招 啦﹗名不副實呀﹗主菜︰辣XX花蚌意大利粉 , 龍蝦汁熱石XX墨魚汁飯——>意大利粉︰清淡，淨得個辣字，份量係輕量型，男生吃係唔夠食架﹗ 啲蝦係凍肉蝦仔，魷魚味好奇怪，加埋唔知點解會配埋落去嘅翠肉瓜，整體感覺 好一般，所以要$6X一客係好唔抵﹗﹗ 墨魚汁飯︰好咸，而且只係食到龍蝦汁味，食唔到任何
今晚我同我男朋友食左個$218嘅二人餐
餐湯︰ 合桃XXX磨菇湯
——> 同之前睇人地嘅食評一樣，同某某出名西湯罐頭味道一樣，一啲驚喜都冇，
唔抵﹗﹗﹗﹗如果唔跟SET，另叫就真係好唔抵呀﹗
餐前小食︰XX鰻魚一口脆片
——>得嗰兩塊之餘，佢所謂嘅「脆片」一啲都唔脆。其實佢唔脆唔緊要，但極唔可以
係淋到爆囉﹗我男朋友先食架，食完之後叫我最好唔好食佢塊脆片，但我又唔信
人地買到明話係脆片而唔食哩個重點加嘛，我咪不聽老人言走去食囉，點知，就
係咁中招 啦﹗名不副實呀﹗
主菜︰辣XX花蚌意大利粉 , 龍蝦汁熱石XX墨魚汁飯
——>意大利粉︰清淡，淨得個辣字，份量係輕量型，男生吃係唔夠食架﹗
啲蝦係凍肉蝦仔，魷魚味好奇怪，加埋唔知點解會配埋落去嘅翠肉瓜，整體感覺
好一般，所以要$6X一客係好唔抵﹗﹗
墨魚汁飯︰好咸，而且只係食到龍蝦汁味，食唔到任何墨魚味， 啲海鮮又係凍肉
舖嚟架﹗啲待應話佢係廚房推介，中哂佢招囉﹗整體嚟講，佢只係可以做到同佢
個名一樣嘅「熱石」的感覺，味道又真係好一般，價錢好似係$65以上至7X左右
，總之又係唔抵啦﹗
飲品︰紅豆咖啡,凍O茶
——>紅豆咖啡係特飲嚟架，但啲咖啡質素係同屋村茶餐廳嘅味道一樣，加埋啲紅豆，
淨係賣相已經唔太吸引，味道係唔值做特飲囉﹗
凍O茶係我飲嘅，係全餐飯最好的，因為凍O茶衰極有個譜，所以整體嚟講，佢係
最好﹗(其實本來我想叫特飲「曲奇咖啡」但見到之前啲湯同小食好唔得，所以都
係叫杯最安全嘅﹗所以見到我男朋友嗰杯紅豆咖啡後，我真係忍唔住沾沾自喜﹗)
甜品︰冇(本來一開始打算叫，但食完所有嘢之後，我地一致認為唔應該再嘥錢喺度)
埋單︰$ 25X (計埋加一)
其實我同我男朋友都唔係挑食嘅人，好食唔好食都會盡量食哂啲食物，唔浪費啲食物架﹗
但今日我男朋友真係好忍唔住，因為佢嘅食物質素同個價錢真係好唔值，嗰啖氣真係吞
唔落啲嘢，食淨左少少飯(因為我已經盡量包底架啦﹗)
最後已經按左錢去埋單嘅男朋友，都忍唔住要攞信用咭埋單，唔想再比貼士佢呀﹗
张贴