極尚大瀛喜日本料理 (已結業)

今日個心情突然間好想食日本放題, 係openrice search之後, 就睇到極尚大瀛喜個評論非常之高評價, 就同我屋企一齊去食啦, 都係二百幾蚊一位!嘢食就超級非常多, 有幾頁紙可以畀我去揀選, 除咗刺身, 壽司之外, 佢最鍾意食佢嗰啲小食, 例如係味珍螺肉, 墨魚仔,  素翅等非常爽口彈牙, 嗰啲醬汁非常之惹味, 另外就係佢嘅冷蝦簡直冇得輸,  冷盤嘅蝦好大隻, 爽口彈牙, 又夠蝦味, 佢嘅燒墨魚丸有一大盤, 非常之邪惡! 咬口外脆, 裏面嘅墨魚,  又夠爽口彈牙!飲品選擇類別好多, 我最鍾意飲h i t e!,  e個啤酒非常之香醇, 雪糕甜品,  睇見都好想食, 今晚真係滿載而歸啦 (個肚皮) , 翻晒盤!