牛摩 (荃灣千色匯I) (已結業)

自上次4條queen到千色匯飯聚，發現這個商場都有好多飯局選擇，今晚至為食queen揀咗食sabu sabu，但叮囑我哋要7點前到齊，每位可以平$20，仲可任食和牛2小時。這類有不同grade既和牛放題，大家要好一致揀相同級數價錢既牛餐，原本有人想食最頂級既“霜降黑毛和牛”，結果3比1揀了“澳洲極上和牛小排” $288。湯底選擇都好日式: 昆布/地獄/豬骨/壽喜，另有港式既蕃茄薯仔。我揀昆布清湯清中帶鮮甜，不用配醬汁先可試出牛肉既原味。我哋4人都係牛犘后, 但為保身形要有策略地先食蔬菜，再食肉，再食菜，再食肉。自助配料種類多還keep refill, 菜蔬新鮮洗得乾淨沒有變黃.   要推介燒菠蘿, 酸中帶甜幫助消化, 提升食力.  另還有熟食既壽司及熱葷。不過我哋係牛摩后更係主打牛牛啦。澳洲和牛小排 ~ 油脂較多是牛小排特徵，這是前胸肋骨部位。雖然感覺好肥，但油脂多食落質感先嫩滑，唔“鞋口”。澳洲牛雖不及日本牛既濃味，但卻比日本牛少了點油膩感，食不停。其中海鮮拼盤頗新鮮，尤其生蠔沒有腥味，海蝦肉質結實.這個餐還可點其他次等級既牛，有美國牛肉/美國特級牛肉/澳洲特級和牛/豚肉/海鮮拼盤。