壹檸壹鮮果茶 (已結業)

今日喺觀塘整眼睫毛之後，經過呢間茶飲店新開張好多人排隊，我走去趁熱鬧買返兩杯返屋企飲，呢度選擇都幾多。我揀咗楊枝甘露同埋蜜桃冰茶。楊枝甘露非常足料，芒果好香甜，西米粒粒分明好有口感，加上柚子肉酸酸甜甜，入邊仲有啲啫喱，口感好Q彈，唔經唔覺自己好快就飲晒一杯，非常滿足。蜜桃冰茶有淡淡嘅蜜桃味，味道清新，夏天最啱飲，就算冰融左都唔會令到蜜桃茶味道淡。仲有其他飲品，例如手打檸檬茶，咖啡咪最愛嘅拿鐵等，下次有機會再試。