可可豬海南雞專門店 (寶榮大廈) (已結業)

今晚1個人食晚飯, 放工就係附近快快買個飯番屋企食, 見到新開既鋪頭, 價錢唔貴, 五十零蚊, 係門口落左order, 唔洗等好耐就拎得。特色椰香海南雞飯 $53番到屋企打開就聞到好香, 油飯粒粒分明, 而且食落真係有淡淡椰香味道, 海南雞嫩滑, 雞皮位好香, 而且幾乎無骨, 另外配左海南雞既sauce, 我就幾中意佢個酸辣汁, 惹味又開胃! 份量方面, 正常食量人士或者女士應該夠飽, 但大食d既男士可能會差d, 可以叫多個菜或者小食食都得。時令菜心苗 $15叫多個菜配飯食, 菜心苗亦夠嫩口。加少少豉油, 不錯。