貴族甜品 (埃華街)

营业中

休息中

防疫措施逐步放寬，見到夜晚越來越多人出街食飯，呢夜晚食完飯之後，同朋友想搵間甜品舖食甜品，行咗好多間都爆曬人，於是乎就行遠啲去到大角咀，呢間甜品舖食始終位置上面比較吊腳，所以就有位可以坐低食，如果夏天嘅時候，黎呢間甜品舖當然可以食沙冰，又或者雪糕，我自己最鍾意就係佢個宇治金時個抹茶雪糕加上紅豆好挾，但係而家喺冬天，啱啱嗰幾日天氣又凍，所以就食啲暖嘅甜品，呢度最出名暖嘅甜品就係椰皇啦，係原個椰皇，中間有唔同嘅配搭，例如芋圓喇啦、桃膠等等，今日就叫咗個椰皇燉芋圓，椰皇嘅清香好正，另外有嗌咗一個鮮奶燉蛋白，唔知係咪因為人多嘅關係呢，水準好似冇平時咁好，尤其是個蛋白比較淡，下次再嚟試多次試真啲先。