勇記海南雞

上個禮拜去咗觀塘嘅中海日升中心入面嘅勇記海南雞食海南雞。有唔少巴士都可以到達該帶，交通方便。
呢度最出名就梗係海南雞啦
主打古法滑雞，絕不滑稽。
海南雞嫩而不嚡，油香四溢，絕對係好食嘅海南雞。

#香港美食

而椰子雞湯亦都非常好飲，採用好多嘅雞殼，同埋10隻椰子， 10隻紅蘿蔔煲出嚟的。椰子雞湯鮮甜可口，冇落味精，飲落唔太鹹。

椰子雞湯

炸墨魚餅都幾好食，值得推薦。

呢度所有嘢都係二人餐來的，盛惠$170 。

總括嚟講，呢個價錢有咁多嘢食都算抵食，環境和服務都不俗，而椰子雞湯嘅味道真係非常之好，海南雞都好嫩滑，好好食，推薦鍾意食海南雞嘅朋友過嚟試吓啦。