天龍海鮮火鍋 (已結業)

海鮮火鍋都唔一定要食海鮮嘅，咁岩行過旺角先達見到呢間鋪出邊嘅poster，覺得幾平，所以就入去試吓。因為我同朋友都唔係好食海鮮，所以就揀咗椰子雞鍋。比較養生。見到佢出邊寫住所用嘅湯底都不含味精，而佢個湯嘅味道都幾濃，真係真材實料咁。入面有半隻雞同埋好多椰肉，好重椰香味。另外叫咗碟肥牛，正正常常。仲有見到佢啲菜都幾新鮮，有水係上邊，係洗過嘅。仲叫咗鹹蛋黃炸魚皮，不過職員落錯單，真係好彩我哋睇一睇張單。搞左好耐就食完個火鍋先上，仲要話係我哋問題🤷🏻‍♀️真心覺得老闆娘嘅服務態度都唔差，但係其他人就有待改善囉。