椰汁大王

营业中

休息中

每次经过呢头, 都会见到一条小龙; 师傅心谂系咪真系咁得, 净系卖椰汁都咁多人排队? 一定要揾一次黎试下, 撞啱昨日都几有雅兴, 一于黎会一会佢!行到埋去都有六七个客人喺师傅前面, 但只见店内得一个哥仔做野, 由制作到收钱一脚踢, 都咪话唔忙! 等左一阵终于到师傅落单, 咁就柯打左一个椰皇同一杯细椰汁!坦白讲师傅对椰子类嘅食品一向都兴趣不大, 但既然成日都有人排队, 点都要试一试! 先试椰皇, 椰皇口感同味道并非师傅喜爱, 相信同椰青嘅味道好唔同, 椰皇唔算甜, 味道算系一般, 唔吸引; 再试下椰汁, 椰汁真系好够冻, 而且椰汁几浓, 香味就一般, 不过都几滑口, 对于不太爱椰子食品嘅师傅, 都不得不讲一句好味; 加上睇住佢即场炮制, 放入椰肉加小量花奶再加冰, 真材实料, 饮落口又唔会有冰碎, 好正!总括黎讲椰汁嘅质素都颇好, 服务态度友善, 个哥仔都会同你闲谈几句, 再问下椰皇得唔得; 而价钱都可以啦, 细椰汁卖十块钱, 大椰汁卖十三块钱, 而椰皇就十二块钱, 可以接受; 天时暑热, 饮番一杯冰冻椰汁, 确实可以消暑解渴, 所以亦不得不问一句"你今日椰左未呀"? 师傅记得食家好友"