1
椒鹽鮮魷、琵琶豆腐同鎮江骨係每次嚟食晏的必選小菜。鮮魷永遠喺快嚟快去，最快食晒。每次食，魷魚都係肥美，脆漿又夠薄，唔會令人失望。只係每次嚟嗰色都會有唔同，有時炸耐咗就深色啲，有時就美白多咗啲咁啦。
琵琶豆腐大大件，送飯一流，一個人唔覺唔覺可以食到三、四件，呢種舊式大排檔的琵琶豆腐做法，唔係咁易食到。鎮江骨同豆腐一樣大大件，不過大件過頭，直接攞住嚟食會方便過用筷子，如果斬細件啲，方便食客好多好多，至少大人細路唔會咁狼狽架。骨同肉各佔一半，咬開佢要用啲力。長者同細路仔要食，最就好剪碎啲肉先。食過炒通菜、金菇肥牛煲同蒜茸茄子蒸豬頸肉，都係唔夠樓上三款出色。
店員一眼關七，工作勤快。有多部電視機陪伴開飯。有啲位置的地面會比較濕滑，同長者嚟就要多加注意，記得幫佢帶得一件小披肩喔。
1
