天園餃子 (華發大廈) (已結業)

第一次食天園餃子喺觀塘，感覺唔錯，上星期試埋旺角分店，九點幾去到，未睇清楚 menu 就要急急腳落單，落單冇耐，食物就上枱，非常有效率👍。上次食過椒鹽茄子，印象好深刻，今次再 encore，一樣咁惹味好食，不過同樣地一樣咁多油，果然最好食嘅嘢通常最唔健康😂；跟餐嘅煎雞扒大大塊幾 juicy，有驚喜；餃子係白胡椒雜菌豬肉餃併芹菜木耳豬肉餃，雖然前者係小店名物，不過由於我唔太鍾意食白胡椒，所以我覺得後者較好食。呢度嘅餃子唔算大隻，但係皮好薄，食下一粒食下一粒，眨下眼就食哂，剛好趕得及十點離開🤗。