一家茶室 (已結業)

係紅磡差館里有間森森小屋，吉列豬扒等炸物做得出色，但終於遇上強勁對手.....一家茶室原先係一間質素唔錯嘅擔擔麵店，因為起地鐵怕影響生意，所以退休，之後變成車仔麵店啦，雞飯店啦(從無幫襯過!)，到依家啱啱轉手為一間外表平平無奇嘅茶檔.望吓個餐牌，都係平平無奇嘅選擇，但果份吉列豬扒就超哂班!第一次叫咗份吉列豬扒咖哩飯外賣，以為普通貨仔所以無影相，點知有驚喜，於是隔幾日又再叫多一次外賣.今次係吉列豬扒焗飯，先唔講味道，講份量，份量比森森小屋大而厚，而且 Size 唔細，以為厚切口感會變硬，但啱啱相反，肉質鬆軟又 juicy，再加上外層超香脆但唔油膩，價錢又唔係特別貴，同樣都係外賣，好明顯質素比森森小屋高一班!下次試完個吉列魚柳再寫食評!