慢理牆城

見到網上介紹呢間餐廳，一見到餐廳既相就比佢吸引左好想黎。餐廳牆身有好多綠色植物裝飾同木製品，就好似一棵棵樹。而且仲有動物既擺設，成個感覺就好似入左森林咁。

食物方面，價錢都幾貴。主菜閒閒地都二百幾蚊、甜品過百蚊、飲品七十幾八十蚊。我同朋友於是叫價錢比較合理既意大利飯同意粉。

侍應比左我地每一人塊動物餅。好耐冇食過動物餅，勾起我既童年回憶。

牛油果忌廉蟹肉意大利飯

$168

牛油果忌廉蟹肉意大利飯
賣相好靚，牛油果一片片圍一個圈砌得好靚，上面仲放左蟹肉。意大利飯入面有菇同紅椒青椒，忌廉醬汁味道比較淡。

明太子蟹肉扁意粉

$148

明太子蟹肉扁意粉
意粉入面有菇同青椒，上面就放左蟹肉同蟹子。明太子醬汁包滿每一條意粉，味道濃郁，好滿足。


餐廳環境同食物賣相味道都好好，但價錢就貴左啲。