慢理牆城

营业中

休息中

上次經過呢間cafe俾佢嘅森林系裝潢吸引咗，好可惜walk-in 已經無位了，今次就專登預先book位去試下。斑馬2人餐水牛芝士焗菠菜大啡菇兩隻大啡菇配搭菠菜和水牛芝士焗得焦香滿滿，伴碟還有沙律菜，清爽開胃。慢落豬店員推介就叫黎試下，黑毛豬經慢煮後，肉質特別軟腍多汁，外層烤得好焦香，粒粒大粒厚肉，而且仲有3串咁多，2個人share都好足夠。牛油果忌廉蟹肉扁意粉一大球的蟹肉，份量十足，雜菌忌廉汁口感順滑，意粉軟硬適中，掛汁能力都好高，還配搭了有牛油果，十分滿足。陪你去看流星雨賣相十足一顆流星，十分精緻，其實是榛子朱古力雪糕，大大的一球，完全滿足了我另一個胃。