明太子蟹肉扁意粉 - 一大球一絲絲嘅蟹肉，上面有滿滿嘅蟹子，一層芝士，濃稠嘅明太子醬汁，配以有咬口嘅扁意粉，味道同口感好豐富好有層次
紅菜頭大蝦意大利飯 - 兩大隻爽口彈牙大蝦，紅菜頭意大利飯又健康又有創意，賣相吸引，份量十足
羽衣甘藍牛油果芒果沙冰 - 好特別嘅口味，羽衣甘藍、牛油果同芒果嘅味道一層一層，清新清甜，仲有碎冰口感
蝶豆花檸檬水 - 提供又靚又清甜嘅蝶豆花檸檬水，值得一讚
1
餐牌提供嘅選擇又多又特別，睇菜名都覺得吸引
裝修同佈置都好有心思，有森林感覺之餘仲有好多唔同嘅卡通擺設，整體乾淨明亮，用色豐富，餐具都好精美，喺度食嘢有種有放鬆嘅感覺，值得推介
