影片
更多
2017-07-25
13612 浏览
Espuma位於舊喜帖街附近, 踏出lift 口已經感受到濃濃的藝術氣息。好鍾意佢地嘅花花碟唔想煩可以揀套餐, 有齊沙律、前菜、餐湯、主菜、甜品及餐酒, 兩位收$588 , 價錢合理, 不過我地今晚心情大好, 想畀啲麻煩自己, 喺餐牌度慢慢揀........繽紛別緻的夏日特飲....隻粉紅鵝仔又真系幾 cute 既, 呃like 一流, 可惜我唔like 士多啤梨味嘅飲品, 迷人 pink lady 都好似唔錯噃........左揀右揀, 揀咗個.....金錢與浮雲 ($45)香香甜甜的芒果汁, 加埋酸酸甜甜的爆珠, 真係開胃消滯, 飲完食慾大增。芝麻吞拿魚配芥末醬 ($98)略前的刺身級吞拿魚鋪滿香口黑白芝麻, 略嫌吞拿魚唔夠肥美, 若能以火槍燒吞拿魚逼出油分才鋪上芝麻, 必定更香口, 現則勝在夠健康。忌廉藍青口跟蒜蓉包條 ($128)藍青口肥美嫩滑, 忌廉汁較稀身, 淡香少鹹型, 點蒜蓉包食都唔覺膩口。 Smoky grilled Angud Rib ($338)這件煙熏牛扒絕對係 Gimmick item, 牛扒放在木盒內, 服務員揭開木蓋, 煙霧蜂擁而上...可惜來不及拍照就…
好鍾意佢地嘅花花碟
唔想煩可以揀套餐, 有齊沙律、前菜、餐湯、主菜、甜品及餐酒, 兩位收$588 , 價錢合理, 不過我地今晚心情大好, 想畀啲麻煩自己, 喺餐牌度慢慢揀........
繽紛別緻的夏日特飲....隻粉紅鵝仔又真系幾 cute 既, 呃like 一流, 可惜我唔like 士多啤梨味嘅飲品, 迷人 pink lady 都好似唔錯噃........
左揀右揀, 揀咗個.....金錢與浮雲 ($45)
香香甜甜的芒果汁, 加埋酸酸甜甜的爆珠, 真係開胃消滯, 飲完食慾大增。
芝麻吞拿魚配芥末醬 ($98)
略前的刺身級吞拿魚鋪滿香口黑白芝麻, 略嫌吞拿魚唔夠肥美, 若能以火槍燒吞拿魚逼出油分才鋪上芝麻, 必定更香口, 現則勝在夠健康。
忌廉藍青口跟蒜蓉包條 ($128)
藍青口肥美嫩滑, 忌廉汁較稀身, 淡香少鹹型, 點蒜蓉包食都唔覺膩口。
Smoky grilled Angud Rib ($338)
這件煙熏牛扒絕對係 Gimmick item, 牛扒放在木盒內, 服務員揭開木蓋, 煙霧蜂擁而上...可惜來不及拍照就…..煙消雲散了
牛扒出木盒後的樣子, 厚切牛扒加翠綠時蔬, 仲有邪惡但香噴噴的炸薯條, 死未!
五成熟的安格斯牛扒, 肉色嫩紅, 肉質偏向有咬口, 牛味濃郁, 佢啲薯條真系炸得超級香脆, 外脆內綿, 夠乾身, 好食。
棉棉夏日 ($78)
甜品時間, 太大杯了.....獨食會飽到上心口, 2個人分享就剛剛好。
嘩! 真係巧大杯呀, 六種味道, 七種口感,。
先食曬啲棉花糖, 再來新鮮士多啤梨、啫喱、乳酪、粟米片及雪糕, 酸酸甜甜, 冰冰涼涼, 爽爽脆脆, 味道同口感都非常豐富, 為今晚晚餐劃上完美的句號。
张贴
