Bove (已結業)

呢幾日打風又落雨，本身plan好既行山之旅被迫取消。反正落雨都冇乜地方去，就近近地同另一半行下女人天堂 葵涌廣場。依家葵涌廣場除左多女士衣物買外，好多特色小食都不斷加入戰場。一直聽聞葵涌廣場新開左一間賣梳夫厘既鋪頭，但長期都大排長龍，所以都好多次都望而卻步。今次行過見人龍唔算太長就買黎試下。共有三款味道，分別係原味、朱古力同抹茶味，另可加錢加其他餡料。我地就叫左原味配蜜糖。落完order後，就可以係另一邊隊等叫號碼。但估唔到係我地最後等左約半個鐘先叫到我地號碼。可能係即叫即整既關係，等候時間都頗長。終於等到，到手既梳夫厘班戟明顯地新鮮滾熱辣，亦如傳聞中十好Q軟。上面灑左少量蜜糖，略嫌唔夠多，內餡半熟，充滿蛋黃香味，口感十分之好，兩個人三兩口就將佢食晒。味道、賣相好唔錯，如果等候時間有改善既話，相信會有更多人幫襯。