心選 (已結業)

旺角平时多人到密不透风，餐厅更是等位等到傻，最近闹市不再旺，条街静左咁多，我梗系要出去支持下啲小店，顺便见下响屋企闷到傻既朋友。以前学生时代最常去既楼上cafe，通常星期六日都可以爆满，今日就要去重拾旧时既感觉，今次拣左呢间第一次去既cafe，一入到门，店员已经马上叫我地睇睇门前嘅卫生守则，处理好口罩及消毒，方可内进。一入到Cafe，就见到全部位置都系梳化，而且高过人头，令食客可以有自己的舒适区，不受隔离枱打扰，另外Cafe必备的桌上游戏亦很齐全，枱上亦放置了消毒喷剂可供食客使用，点餐后，职员亦会马上收起餐牌消毒一次，令人很放心在此用餐。最后点了两个假日午市套餐白汁吞拿鱼蘑菇长通粉 $88，免费配餐饮选了奇异果绿茶，同埋黑椒烟肉炒意粉$88，免费配餐饮选了荔枝红茶。虽说是店子小小得2个人煮野食，但食物真系看出是有心机整出黎，又有伴碟摆盘设计，2款不同特色既pasta 都香浓入味，炒意粉上菜时还有烟出，证明即叫即整够哂热。食完野店内仍然系一个好舒适既环境可以玩下game 同倾下计，大梳化绝对有助放松心情。