am.pm (譽發廣場)

营业中

休息中

之前次次經過呢個黃巴士造型既小店都好多人排隊，趁依家疫情少左人排隊就食啦。我地揀左一款布丁多士同梳乎厘班戟。兩種都有唔同味揀，一定滿足到甜品控。金燒奶黃布丁多士配日本3.6北海道牛乳雪糕藍色既牛乳雪糕好靚，食落軟滑又冰涼，解暑一流。布丁多士即叫即整，外脆內軟，面頭灑左少少糖形成焦糖效果，加埋奶黄味，正。兩件多士都幾大塊，絕對夠飽。炎燒布丁梳乎厘同樣係即叫即整。口感軟綿綿，唔係完全空心個種，岩我鍾意食有咬口既梳乎厘班戟，連埋啲醬一齊食，一大享受。