屋子咖啡

营业中

休息中

睇咗唔少食評都話呢間屋子咖啡嘅甜品🍮唔錯，今日一於去大圍試吓。一坐低覺得環境都唔錯，店內客人唔多，氣氛悠閒。先嚟嘅係栗子窩夫🌰，賣相唔錯，外層嘅栗蓉幾順滑不過有少少過甜，食到中間原來係雲尼拿雪糕🍦(同一般中間擺cream嘅蛋糕比好特別），夾埋下面熱熱地似硬身pancake嘅窩夫，一冷一熱配搭感覺唔錯。之後係蕎麥榛子梳乎厘 ，即叫即整出到嚟個梳乎厘脹卜卜好靚，好有蛋香，上面嘅蕎麥榛子就同下面嘅梳乎厘造成咗有反差嘅口感。隔離嘅雲尼拿雪糕仲見到有雪尼拿籽（係靚雪糕😂）之後有機會會再嚟試其他甜品。