本來諗住食海南雞飯，
路過其實有好幾間泰國菜館都有賣，
不過間間都係四十幾蚊起跳，
就諗住行多幾間睇吓有無第二啲，
點知最尾遇見呢間海南雞餐廳，
都係四十幾蚊，唔想再行，就行咗入去。
呢間招牌做無骨海南雞飯既，
有大中小既分別，
飯量同雞肉既份量都按ＳＩＺＥ而有大中小之分，
叫咗個大份既，
即時放碟醬油嚟，
醬油可是成碟海南雞飯既靈魂，
一來本身啲飯就無味，啲雞都只係得啲雞香，
如果調味品唔夠既話碟飯就會變得非常失色，
就好似食碟無豉油無薑蓉既白切雞飯咁。
醬油才擺响我面前，
我就立心要寫劣評了，
三格醬油，每格既面積比起麻雀牌還小，
而且都只係薄薄的一層，份量唔多，
豉油色果啲只係普通既雞油豉油，
綠色果啲只係磨得更蓉既薑蓉，
紅色果啲算係這間鋪既名物吧，
蒜蒜酸酸的無錯係幾惹味，
不過份量認真少得過份囉。
1
1
查實碟雞同飯都做得唔錯的，
啲雞真心鋪得幾好，而且都夠肥夠滑，
不過因為啲醬料實在太少同埋太普通，
夠點雞嚟唔夠拌飯，
認真唔會再嚟，
同樣價錢我認為附近幾間泰國菜館既海南雞會掂啲！！
