粗菜館 (已結業)

今晚收得夜，九點半都未食飯，走去粗菜館，諗住粗菜淡飯簡簡單單一餐。望望餐牌， 嘩！雞乸咁大隻字: 少鹽，走味精，少油。有誠意到咁，抵讚，搞到我霎時覺得好似同清洪食緊飯，因他去到任向餐廳，例必囑咐伙記“ 少鹽，走味精，少油” 哈哈！嗯，Menu有味新菜好吸引喎，就係“香煎梅香馬友件”，要碗白粥送鹹魚我就夠啦，其他餸菜你地隨便叫。馬友來了，飄來陣陣鹹魚香，煎得好靚，廚師有心機。呢條梅香肉質又碎又軟，又夠鹹香，以這種質素，來貨價一定不菲，賣$188，我覺得唔貴。呢件梅香馬友冇得彈，高班貨，在粗菜館食粗菜再配靚梅香鹹魚，夠哂風味。鹹魚食梅香好過實肉，製作過程都複雜啲啦。面對如斯美食，我吃出懷舊風味，重拾兒時感覺，我無言以對，我真的感動了！