影片
更多
2020-02-27
3589 浏览
餐廳：桔梗 (旺角)地址：旺角砵蘭街160號地下至2樓旺角砵蘭街有間6月先新開嘅Cafe，夜晚8點幾去到都仲排緊長龍！好癲！一入到餐廳就比地下嘅勁大勁寬面積仲有操台灣口音嘅侍應吸引左，雖然要排隊入座，但上網一search先知原來係台北出名嘅爆陷三文治同燉飯cafe開到黎香港呢到，咁點都要試下啦餐廳地下有非常多擺設，明信片、七彩顏色嘅碟、玻璃樽、書等等好有文青書卷氣息，見到有條樓梯一上去原來仲有二樓同天台，同地下唔同嘅係二樓同天台有梳化、桌球枱同可以食埋水煙添，同一般嘅cafe真係好唔同，仲要開到凌晨3點，有好西食又有得篤波食水煙，難怪吸引左咁多人黎幫襯剁椒牛肉 台灣眷村好味道 $158用燉牛肉、手炒花椒豆瓣醬同溫泉蛋煮成嘅燉飯香得黎唔辣，豆瓣醬為燉飯加左唔少顏色同味道，將溫泉蛋攪勻一齊食就無得頂，牛肉肉味濃而不韌，啖啖肉，好味海底世界 海龍王真的來了 $228海底世界即海鮮燉飯，主打係奶油龍蝦、干貝同貓魚，配上羅勒堅果醬同溫泉蛋，將飯同蛋仲有果醬攪勻猶如忌廉汁咁嫩滑，仲有果香同海鮮嘅鮮味，確實抵食又夠滋味，龍蝦肉質飽滿，一梳梳龍蝦肉起出黎咁食實在好滿足二人分享套餐 $128(買任何飯可
地址：旺角砵蘭街160號地下至2樓
旺角砵蘭街有間6月先新開嘅Cafe，夜晚8點幾去到都仲排緊長龍！好癲！一入到餐廳就比地下嘅勁大勁寬面積仲有操台灣口音嘅侍應吸引左，雖然要排隊入座，但上網一search先知原來係台北出名嘅爆陷三文治同燉飯cafe開到黎香港呢到，咁點都要試下啦
餐廳地下有非常多擺設，明信片、七彩顏色嘅碟、玻璃樽、書等等好有文青書卷氣息，見到有條樓梯一上去原來仲有二樓同天台，同地下唔同嘅係二樓同天台有梳化、桌球枱同可以食埋水煙添，同一般嘅cafe真係好唔同，仲要開到凌晨3點，有好西食又有得篤波食水煙，難怪吸引左咁多人黎幫襯
剁椒牛肉 台灣眷村好味道 $158
用燉牛肉、手炒花椒豆瓣醬同溫泉蛋煮成嘅燉飯香得黎唔辣，豆瓣醬為燉飯加左唔少顏色同味道，將溫泉蛋攪勻一齊食就無得頂，牛肉肉味濃而不韌，啖啖肉，好味
海底世界 海龍王真的來了 $228
海底世界即海鮮燉飯，主打係奶油龍蝦、干貝同貓魚，配上羅勒堅果醬同溫泉蛋，將飯同蛋仲有果醬攪勻猶如忌廉汁咁嫩滑，仲有果香同海鮮嘅鮮味，確實抵食又夠滋味，龍蝦肉質飽滿，一梳梳龍蝦肉起出黎咁食實在好滿足
二人分享套餐 $128(買任何飯可加配)加$128就會升級做套餐，難得黎到排左咁耐隊緊係要試埋。呢個套餐有桔梗沙律、麵包6件同每日奶昔兩杯
麵包配搭埋無花果奶油、香橙白蘭地起司抹醬同無鹽奶油比你蘸黎食，個人最鍾意就係無花果奶油，淡淡無花果香加上滑膩嘅奶油，搽上去半脆半勁道嘅麵包甜甜滑滑咁，就好似初戀嘅感覺XD不過3種醬一齊蘸都係另一種食法，鹹鹹地甜甜地咁，幾得意
每日奶昔用新鮮乳酪同雜莓製成，唔會好甜，但係就夠滑夠綿，酸酸甜甜咁做飯後甜點就最正
最後仲叫左杯百利甜酒朱古力同埋熱茉莉薰衣草花茶
百利甜酒朱古力嘅朱古力味先入為主，甜甜酒味後期慢慢滲出黎，好特別
花茶花香味重，好有抒壓感覺，茶壺亦夠可愛，仲可以連花茶嘅精華—茉莉花同薰衣草都食埋，不過呢個就按個人喜好喇
张贴
