影片
更多
2006-01-15
55 浏览
其實我唔係正式去呢間酒店食,只係公司係數碼港開會,叫左酒店既catering,即係到會啦!兩日既會議一共有四個tea同兩個buffet lunch,次次唔同野食。款式方面其實唔多,味道同水準都係一般,但係服務差少少,因為第一日竟然只有茶同咖啡而無水!後來話過佢,第二日至有冰水供應!由於我係一個甜品迷,我想集中評一評甜品。第一日buffet lunch甜品有紐約芝士蛋糕,桑莓芝士蛋糕,同埋蘋果金寶,桑莓芝士蛋糕帶俾我最大驚喜,除左蛋糕面有一粒粒真正桑莓,蛋糕中心竟然都分佈住桑莓,酸酸地既味道,配合芝士味,已經好好,最特別係個餅底,見佢啡啡黑黑無乜特別,一定係朱古力餅底,一食,一大陣芝麻味—噢!原來係黑芝麻造成既餅底!真係又有新意又有特色又好味呀!其次係蘋果金寶,我覺得呢個甜品整得幾清,唔會令我太漏,金寶係面層,下面有好厚層既蘋果片,但係蘋果片已經軟身同甜到唔似蘋果,反而以為自己食緊菠蘿!金寶都算脆,比起坊間,唔算高水準之作,但合格! 紐約芝士蛋糕最普通,無野講!第二日甜品有朱古力慕絲蛋糕同面包布甸,前者好味但同普通餅店類似,不值評論;後者受到大家熱烈歡迎,清完一次又一次,慢手慢腳既人分唔
由於我係一個甜品迷,我想集中評一評甜品。第一日buffet lunch甜品有紐約芝士蛋糕,桑莓芝士蛋糕,同埋蘋果金寶,桑莓芝士蛋糕帶俾我最大驚喜,除左蛋糕面有一粒粒真正桑莓,蛋糕中心竟然都分佈住桑莓,酸酸地既味道,配合芝士味,已經好好,最特別係個餅底,見佢啡啡黑黑無乜特別,一定係朱古力餅底,一食,一大陣芝麻味—噢!原來係黑芝麻造成既餅底!真係又有新意又有特色又好味呀!其次係蘋果金寶,我覺得呢個甜品整得幾清,唔會令我太漏,金寶係面層,下面有好厚層既蘋果片,但係蘋果片已經軟身同甜到唔似蘋果,反而以為自己食緊菠蘿!金寶都算脆,比起坊間,唔算高水準之作,但合格! 紐約芝士蛋糕最普通,無野講!
第二日甜品有朱古力慕絲蛋糕同面包布甸,前者好味但同普通餅店類似,不值評論;後者受到大家熱烈歡迎,清完一次又一次,慢手慢腳既人分唔到,失望而回,我有幸食到,但係唔覺係其他人讚得咁好!係就係好味,但係好甜,而且好beavy,最好味(對我而言)係面層,因為焦焦地既面又脆又甜,好似式焦糖布甸個面,好好味,至於布甸本身好淋好軟,又有少少似蛋糕質感,好大牛油味,但係好甜好膩,食完包你飽晒!
其實兩日tea既時候都仲有好多小食同甜品,最正係finger sandwiches,其中麥包配三文魚係最佳之作!另一個小蛋糕都唔錯,因為細細一片唔太塊,幾好味!仲有朱古力cream puff,但係好普通,而且好多cream,唔係我那杯茶!
张贴