韓國屋 (已結業)

人就是這樣!永遠不會汲取前次的教訓,每次也心存僥倖"唔會又中呀嘛?咁邪?","可能呢次好D呢!","趕時間呀嘛!無計喇!"最後結果當然是不問而知!這天又是如以往的一樣場境:收工、未食飯、約咗人睇戲、得番半個鐘、去foodcourt嗱嗱淋求其食、瀨嘢、買熱狗、入場睇戲.朗豪坊foodcourt內的選擇已愈來愈少,行過見到介紹韓式年糕炒麵，咦?辣、炒麵、炒年糕全部都啱晒喎!一次滿足三個願望呢次仲唔食!等了大慨十分鐘.韓式年糕炒麵----外觀看起來是很吸引!試一點,辣味太溫和唯有自行加大量辣椒粉.吃一條年糕,感覺是比我的命還硬,勉強吃下去的話,胃出血機會率大增90巴仙.麵條是黏黏的一團,除出幾片牛肉外全碟都是菜!泡菜/菜佔了全碟2/3,問題是那些菜並不好吃.喝了一啖所謂套餐的杯裝無氣七喜.望望手錶,距離入場時間尚有八分鐘,一如以往的動作,步向小食部取出銀包,一個熱狗套餐汽水要Cokelight吖唔該!