王家沙．花樣年華 (K11 Musea) (已結業)

之前嚟過喫麵，原來佢同加入王家沙變成全新2合一的餐廳，裝修相好有特色，舖頭名叫花樣年華，果然周圍放咗好多桃花，打卡一流。精選滬式涼菜拼盤$198，有齊最經典嘅上海涼菜，蒜蓉拍青瓜係最好嘅開胃小食；鎮江肴肉加上海醋一齊食好夾，減低肥膩感覺。醉嘉美雞，酒味唔算好濃，雞肉都幾滑。招牌蟹粉小籠包$78，招牌菜果然皮薄湯汁夠鮮有少少回甘，整體熱度足但又唔會熱到燙口，處理得好啱時間。紅油抄手$68，唔算好辣，有好香嘅蒜頭同麻油味道，增加整體味道層次感。奶黃小麻球$42，炸得酥脆，奶黃唔會太鹹，食落去淡淡奶黃香氣撲鼻。泰式黑熊珍珠咖啡，呢個飲品造型可愛，平時珍珠奶茶飲得多，原來珍珠咖啡都唔錯。