桃園制作粥麵餐廳 (啟田商場) (已結業)

今晚家母做無飯煮婦，於是就落樓下桃園開飯，呢間餐廳周不時都幫襯，貪佢抵食夾大件，食到飽飽。先黎個老火湯，豬𦟌煲猴頭菇，味道幾清甜，味精唔算勁！男人最喜歡有得渣....I mean 湯渣。好多女士唔會食的煲湯豬肉，我都例牌會食曬。佢個滑蛋炒蝦仁我都幾鍾意，雖則啲蝦仁都唔會有咩味道，但夠爽口，個蛋都算幾滑，加埋啲蔥好香。不過重點一定係甜豉油，加埋佢真係非常正！用來撈飯確係一流！土魷香菇蒸肉餅，份量都幾多，肉餅夠厚加埋土魷東菇夠咬口，豉油依然係重點推介，忍唔住想講：好食過我娘親煮嘅，哈！