醉胡爐 (已搬遷) 新店位置

嘩好耐都未出過尖沙咀了，人多車多可能係放工時間啦，hahaha!!!出得嚟當然係搵食啦，嚟到今晚嘅目的地，真係有啲期待呀！因為我真係好耐冇打過邊爐☺️一入到舖頭，佢嘅設計我重以為係酒吧，好chill ，三五知己飲番杯，仲可以打邊爐，爽丫丫👍🏻🌟湯底方面，我叫咗個卜卜蜆鮮蟹魚湯鍋，魚湯底或者雞湯底都得，今次我就叫咗雞湯底。服務員攞到個鍋底過嚟之後，就好好服務咁開始爆炒裏面嘅蟹同卜卜蜆了，因為爆炒過嘅海鮮，會帶出中間嘅鮮甜味，而且加咗酒香，令到有火焰嘅效果，有味覺享受之餘，仲有視覺嘅享受。睇見都好開心！🌟黃金炸魚皮，簡直有驚喜，即叫即炸，滿滿嘅黃金包住脆卜卜嘅魚皮，真係佐酒小食呀🌟白鱔片，好新鮮彈牙🌟西班牙黑毛豬肉，肉味濃郁🌟手工魚皮餃，味道好好下次再嚟過，要再叫下其他食物先得